КОЦУР – У дворе Основней школи „Братство єдинство” у Коцуре тих дньох почало поставянє новей дротовей огради коло рукометного терену. Проєкт финансує Месна заєднїца, а з помоцу Општини Вербас.
Ограда будзе висока 6, длугока 90 метери, а робота, хтору окончує подприємство „Еко-про” з Ґайдобри, у зависносци од хвилї, годна буц закончена концом шлїдуюцого тижня.
Рукометни терен у Коцурскей школи уж єден час без огради, понеже стара пред даскельо роками знята пре нєбезпечносц. Як гварела директорка Школи Славица Байор, за розлику од старей, хтора була лєм з єдного боку, нова ограда будзе поставена з трох бокох, пре цо лєпше одвиванє спортских активносцох у Школи.