БЕОҐРАД – Здруженя и орґанизациї цивилного сектору ше можу приявиц на конкурс з назву „Потримовка иновативним приступом за звекшанє обезпечованя роботи и анґажованя младих”, хтори розписал Тим за социялне уключованє и зменшанє худобства Влади Сербиї.
Иновативни приступи у ришованю проблему обезпечованя роботи буду запровадзени зоз змоцньованьом сотруднїцтва орґанизацийох цивилного дружтва и приватного сектору.
През конкурс ше маю витвориц штири цилї: потримовка твореню роботних местох, звекшанє ступню анґажованя младих, їх мобилносц и прилагодлївосц, доприношенє поднїмательному ученю през формалну и нєформалну едукацию, та обезпечованє роботи за младих.
Проєкти мож придац по 15. децембер, а резултати конкурсу буду обявени до конца януара 2016. року.
За вецей информациї мож писац на е-адресу Тиму за социялне уключованє и зменшанє худобства a.roncevic@gov.rs