НОВИ САД – Вчера, 6. юлия, на основи ришеня Покраїнскей влади од 11. мая, конституовани нови Управни одбор (УО) Заводу за културу войводянских Руснацох (ВР).
За предсидательку Управного одбору менована Анамария Регак, дипломована политиколоґиня, а за членох историчарка, музейна совитнїца Любица Отич, мастер историчар Саша Сабадош, дохтор медицини Деян Загорянски, дипломовани новинар Дюра Винаї, студент ґеоґрафиї Михаил Римар, доктор наукох Йоаким Стрибер, абсолвент историї Иван Канюх и професорка музичней култури Лидия Пашо.
Длужносц предсидателя Управного одбору Анамариї Регак придал дотерашнї предсидатель Владимир Варґа, котри бешедовал о роботи прешлого УО, з якима проблемами ше стретал и винаходзел ришеня за финансийну помоц насампредз нашим културно-уметнїцким дружтвом.
Директор Заводу за културу ВР Серґей Тамаш наглашел же у нашей рускей заєднїци витворена добра атмосфера и условия за цо лєпшу роботу и УО и Заводу, вообще.