СЕРБИЯ – Тих дньох дефинована конєчна цена тогорочного слунечнїку, так же го олєярнї буду плациц 34 динари за килограм, без ПДВ, дознава „Аґросмарт”, а преноша медиї.
Аконтна цена слунечнїку була 30 дин. за кґ, а продукователє вимагали 42 динари, цо би, по їх рахункох за укладаня, була реална цена слунечнїку.
Того року цена слунечнїку нїзша як влонї, кеди лєм аконтна була 36 дин/кґ, цо пошлїдок рушаня на тарґовищу.
На ґлобалним тарґовищу цена тогорочного слунечнїку вше менша, а як ше обчекує, таки тренд будзе и предлужени док на шветови пияц сцигнє и слунечнїк зоз жемох найвекших продуковательох, як цо то Україна.