Конїцки обегованя у Керестуре 19. авґуста

автор влс/зам
878 Опатрене

РУСКИ КЕРЕСТУР – Свою рочну Скупштину Конїцки клуб (КК) „Русин” отримал всоботу, 7. фебруара, у просторийох Спортского дружтва, на хторей предсидатель Клубу Иван Медєши присутних поинформовал же тогорочни конїцки обегованя на Гиподроме „Леї” буду 19. авґуста.

Обегованя на Лейох и тераз буду у рамикох Дньох керестурскей паприґи, а на прешлорочних участвовали 80 змагателє и провадзели их коло 1 000 патраче.

На Скупштини КК „Русин” присуствовали и предсидатель Совиту керестурскей Месней заєднїци (МЗ) Владимир Олеяр, о.д. секретара МЗ Юлиян Медєши, представителє валалских здруженьох, як и госци зоз Сербобрану, котри помагаю и потримую керестурски Клуб.

Владимир Олеяр з тей нагоди гварел же Совит МЗ на остатнєй схадзки дал согласносц же би ЯП „Завод за вибудов” Кула дєпи на Лейох и надалєй дало на хаснованє КК, як и же свой волонтерски додаток, хтори достава за функцию предсидателя Совиту, того року опредзели за керестурски КК.

ПОВЯЗАНИ ТЕКСТИ