Координация националних совитох о Акцийним планє за поглавє 23

автор зам
781 Опатрене

НОВИ САД – У Новим Садзе нєшка будзе схадзка Координациї националних совитох (НС-ох) националних меншинох у Сербиї, на хторей єдна з главних темох будзе розправа о материялних и формалних елементох Акцийного плану за поглавє 23 у приступних прегваркох з Европску унию. Тиж так, Координация предложи и своїх кандидатох за членох подґрупох Роботней ґрупи за виробок Акцийного плану, а хтори ше одноша на питаня вязани за национални меншини.

Чолнїки, лєбо овласцени представителє НС-ох, котри творя Коодинацию, нєшка предложа и кандидатох за членох совитох на уровню держави – Националного совиту за културу, Националного просвитного совиту и Реґулацийного цела за електронски медиї (РЕМ).

На схадзки, хтора будзе у сали 3 Скупштини АП Войводини на 14 г., буду розпатрани и предлоги статута и дїловнїка о роботи Координациї НС-ох, а на нєй буду присуствовац и чолнїки Националного совиту Руснацох.

ПОВЯЗАНИ ТЕКСТИ