КОЦУР – Школяре Основней школи „Братство єдинство” у Коцуре и дзеци з коцурского Оддзелєня „Герлїчка” Предшколскей установи „Бошко Буха” вчера и позавчером достали крачунски пакецики хтори им подаровала Гуманитарна орґанизация „Хумедика” з Нємецкей, у сотруднїцтве з коцурску Євангелску церкву.
У школи пакецики достали школяре од першей по штварту класу, док у оводи по пакецик достали шицки дзеци. Пред дзелєньом пакецикох, оводарци на видео-биму патрели кратку бапкарску приповедку хтора наявює наступни швета.
Спред спомнутей орґанизациї пакецики принєсли Томас Милер и Флориян Бауен, хтори за Рутенпрес виявели же з тей нагоди до Сербиї принєшени 3 000 пакецики, хтори за своїх парнякох запаковали школяре нємецких школох.
Лаицки пастор Євангелскей церкви Александар Суботин, у сотруднїцтве з рижнима европскима гуманитарнима орґанизациями, пакецики за коцурски дзеци обезпечує од 2008. року.
