КОЦУР – Вчера, 4. юния, мали матуранти Основней школи „Братство єдинство” преславели свой матурски вечар и зоз тим положели коруну на свойо осемрочне школованє.
Остатнїраз им школски бренчок означел конєц остатнєй годзини у тей школи прешлого пиятку, и тото преславели зоз журку у физкултурней сали, хтору им школа орґанизовала. Зоз музику и танцом з нїма славели и школяре пиятей, шестей и седмей класи.
Вчера ше зишли опрез школи, и шветочно предефиловали по Пелетову салу, провадзени зоз численима Коцурцами, родичами, родзину и товаришами.
Госци школярох на матурским вечару були їх учительки и наставнїки, а тот вечар зоз вечеру и друженьом орґанизовали родичи.
