НОВИ САД – Пияток, 17. априла, директор Радио-телевизиї Войводини (РТВ) Срдян Михайлович и директор Д.О.О. „Еуро Ґарди Ґруп” Зоран Филипович подписали контракт о виробку проєтно-технїчней документациї за вибудов нового будинку РТВ.
По законченю Явней набавки РТВ за виробок главного проєкту урбанистичней, проєктней и технїчней документациї за будинок РТВ, тот проєкт достал Конзорциюм у хторим Д.О.О. „Еуро Ґарди Ґруп”, Явне подприємство Завод за урбанизем Войводини и Д.О.О. Институт за превентиву, „АБ & ЦО ГЕОСЯСТЕМС” Д.О.О. з Нового Саду и Завод за ґеотехнїку зоз Суботици.
Виробок главного проєкту ма буц закончени за шейсц мешаци и облапи найекономичнєйши и найлєпши проєктно-технїчни ришеня, а у складзе зоз законом. Окрем того, актуална и закончуюца фаза Явного тендеру за проєкт валяня постояцих обєктох бомбардованого будинку РТВ на Мишелуку.