КУЛА – Лєтнї фестивал ручних роботох и сувенирох, хтори мал буц отримани на стреду, 22. юлия у орґанизациї Здруженя женох „Идея” з Кули, за тераз одказани до дальшого, пре вельки горучави. Орґанизаторе наявели же кед будзе вигоднєйша хвиля, Фестивал будзе отримани о тидзень, 29. юлия.
Фестивал, односно вистава ручних роботох и рижних сувенирох будзе у центре Кули, на площи опрез Пошти, а шветочне отверанє будзе на 10 годзин. Планована и пригодна културно-уметнїцка програма.
На Фестивалє буду участвовац здруженя и поєдинци з местох кулскей, алє и зоз сушедних општинох, а орґанизаторе наявели же Лєтнї фестивал ручних роботох и сувенирох отвори предсидателька Скупштини општини Кула Снежана Мркаич.