КОЦУР – Коцурске здруженє младих (КУМ) орґанизує безплатни годзини хемиї за школярох основних и штреднїх школох. Як гварел предсидатель КУМ Стеван Самочета, годзини буду орґанизовани викендами, од нєдзелї, 7. мая (на 17 годзин), у просторийох Здруженя, у часци нового пензионерского дому.
Хемию школяром буду преподавац Мария Русковски и Николета Недич.
Попри наяви годзинох хемиї, Самочета за Рутенпрес виявел и же тогорочна Акция младих „Дай и ти свою руку” у Коцуре будзе од 22. по 24. юлий, з подобним концептом як дотерашнї, а вецей деталї о Акциї буду познати познєйше.