КУЛА – На вчерайшим приєму у Шветочней сали Скупштини општини Кула Леонела Цифрич, школярка седмей класи ОШ „Петро Кузмяк” з Руского Керестура, котра як членїца штирочленей репрезентациї Сербиї на Европским змаганю зоз знаня у транспорт у Ческей того року освоєла штварте место, од Општини Кула наградзена з бициґлу.
Приєм за Леонелу, єй наставнїка Зденка Шомодїя и родичох орґанизовал Совит за транспорт Општини Кула, а на успиху єй повинчовал и бициґлу уручел заменїк предсидателя Општини Кула Кароль Валка.
Валка з тей нагоди визначел значносц транспортного образованя школярох, у чим вельку улогу маю и нїставнїки, а дзекуюци Општини на дарунку, Леонела Цифрич на витвореним успиху, односно потримовки подзековала и свойому наставнїкови технїчного образованя Шомодїйови.
Попри членох Совиту за безпечносц, на вчерайшим шветочним приєму присуствовала и руководителька Оддзелєня за дружтвени дїялносци Општинскей управи Кула Драґана Потпара.