КУЛА – У рамикох 55. Културно-пропаґандней акциї „Мешац кнїжки”, Културно- просвитна заєднїца Општини Кула розписала литературни конкурс за штредньошколцох зоз Заходно-бачкого округу.
Конкурс розписани за писню, приповедку, лєбо есей, а роботи мож писац и на мацеринским язику, цо нє обовязне, алє обовязне же би були видруковани (на рахункару, лєбо писацей машини) и подписани зоз шифру. Ришенє шифри треба послац у окремней коверти.
Єден школяр на конкурсу може участвовац лєм з єдну роботу за литературну форму за хтору конкурс розписани, а роботи у єдним прикладнїку треба послац по 27. новембер, на адресу: Културно-просвитна заєднїца Општини Кула, Ленїнова 11/4, 25230 Кула.
Найлєпши роботи буду наградзени и похвалєни на обявйованю резултатох, у децембру.