НОВИ САД – З нагоди Европского дня язикох, Лиґа социялдемократох Войводини (ЛСВ) всоботу упутела критику компетентним державним орґаном пре факт же школяре-припаднїки меншинских заєднїцох Европски дзень язикох знова дочекую без комплетних учебнїкох. Лиґа трима же би компетенциї у тей обласци мали буц пренєшени на Войводину, преноша аґенциї.
Покраїнски посланїк Александар Мартон гварел же ше службене хаснованє язикох и писмох часто зводзи на виписованє назвох городох и местох на вецей язикох, гоч у закону ясно пише цо шицко и дзе муши буц виписане и на язику даєдней националней заєднїци.
Права националних заєднїцох ше нєдостаточно почитує и у роботи державних орґанох, та єст проблеми и при висписованю особних менох у документох.
Окрем того, вше вецей почежкосци єст и у информованю, бо приватизация локалних медийох водзи ґу зменшаню минутажи програмох на язикох заєднїцох, гварел Мартон з нагоди 26. септембра, Европского дня язикох.