СЕРБИЯ – Роботнїки у Сербиї нє мотивовани робиц, понеже велїм плаца пожнї, а даєдни ю анї нє доставаю, гварела Живка Пржуль з Беоґрадскей банкарскей академиї на реґионалней конференциї „Заробки и модели наградзованя“.
– Думам же шицки роботнїки у Сербиї доц нєзадовольни зоз заробком, а найгорше тото же велькому числу роботнїкох, коло 650 000, плаца пожнї, а коло 50 000 ю анї нє доставаю – гварел Пржульова и визначела же алармантне же у Сербиї штреднї нето заробок 39 000, а трошительна кошарка коло 65 000 динари.
Вона заключела же опасне кед нєт критериюми и кед на основи своєй оцени менаджере одредзую заробок, а то у Србиї надосц заступене.