Матурантом-штредньошколцом шветочно уручени дипломи

автор маф
1.1k Опатрене

РУСКИ КЕРЕСТУР – Матурантом Штреднєй школи „Петро Кузмяк” вчера вечар на шветочносци у Велькей сали Дому културу уручени дипломи о законченим школованю у руским и сербским оддзелєню Ґимназиї, та у напряме Туристични технїчар.

1-Diplomi-02

Директорка Школи Хелена Пашо Павловичї школяром з пригоднима словами повинчовала на успишно законченим школованю у керестурскей Школи, а окреме матурнтом руского оддзелєня – же матуровали у року кед руска Ґимназия означує 70-рочнїцу постояня.

Матурантом повинчовали и оддзелєнски старшинове – Єлена Петько, Александар Алексич и Наталия Будински и вєдно з директорку уручели 58 дипломи, пригодни дарунки и кнїжки одличним школяром.

1-Diplomi-03

Професорка Петькова за школярку ґенерациї шветочно преглашела Марияну Колошняї з руского одзелєня Ґимназиї, котра подзековала шицким котри допринєсли єй и успиху шицких матурантох.

Пригодну програму матурантом за тоту нагоду пририхтали їх рок младши товарише зоз своїма професорами.

1-Diplomi-04

ПОВЯЗАНИ ТЕКСТИ