КОЦУР – Медзинародни дзень мацеринского язика, 21. фебруар, у коцурскей Основней школи „Братство єдинство” будзе означени з паноами на хторих буду представени язики хтори ше у Коцуре учи як мацерински.
Панои пририхтаю школяре зоз своїма наставнїцами сербского, односно руского язика, а буду виложени у голу Школи, та их годни поопатрац и учашнїки змаганя зоз странских язикох – английского, русийского, нємецкого и французкого, хторе у Коцуре будзе на ютре, 20. фебруара.
У Коцуре ше як мацерински виучую сербски и руски язик поряднє, як и руски и мадярски язик факултативно, як виборна настава. Кажди рок єст можлївосци и за уписованє дзецох на виучованє ромского язика, алє дотераз нє було заинтересованих.