ЖАБЕЛЬ – Медзи найлепшима студентами наградзенима з безплатним дводньовим путованьом до Праги, до Ческей, и дванацецеро Дюрдьовчанє. Студенти вибрани на окремним конкурсу Општини Жабель, хтора им плаци превоз, полупансион и осиґуранє. З тим путованьом наградзени шейдзешат штверо студенти з местох жабельскей општини.
З Дюрдьова до Праги одходза Тамара Сеґеди, Сладяна Дудаш и Иван Ґубаш – студенти Природно-математичного факултету, Кристина Малїк, студентка Медицинского факултету, Светлана Ґнип, студентка Филозофского факултету и Мария Хромиш, студентка Високей школи за образованє воспитачох.
Зоз Жаблю на безплатне путованє вибрани 27-еро, з Чурогу 21, а з Ґосподїнцох штверо студенти, котри на путованє рушаю на ютре, 26. новембра на вечар.