Медзи стипендистами и дзеветнацецеро з Керестура

автор зам
991 Опатрене

КУЛА –  У Шветочней сали Скупштини општини Кула всоботу, 13. фебруара, заменїк предсидателя Општини Кула Велибор Милоїчич подписал контракти зоз 77-ерима студентами на основних и мастер студийох з местох кулскей општини о їх стипендованю у тим академским року.

Єдно з условийох за доставанє стипендиї од Општини Кула було же би студент мал найменшу штредню оцену 9, так же слово о наисце найлєпших студентох. Стипендия 6 000 динари мешачно, за цо Општина видвоєла 4,6 милиони динари, гварел Милоїчич, наглашуюци же виплацованє стипедийох будзе пошвидшане, так же уж по подписованю контрактох студенти достаню по три стипендиї нараз.

3-Kula-02

Стипендиї за академски 2015/16. рок достали и аж 19-еро суденти з Руского Керестура – Борис Барна, Марина Биркаш, Єлена Зорич, Валентина Югас, Терезия Катона, Андрея Колєсар, Наташа Колєсар, Марияна Колошняї, Ана Костич, Ивана Ловас, Андрея Малацко, Деян Павлович, Даниєла Планчак, Андрея Рац, Звонимир Сабадош, Александар Сакач, Дарко Такач, Мартина Гудак и Рената Джуджар.

На шветочним подписованю контрактох присуствовала и началнїца Оддзелєня за дружтвени дїлносци Општини Кула Драґана Потпара.

3-Kula-03

ПОВЯЗАНИ ТЕКСТИ