КОЦУР – Вчера, 29. новембра писателька и одвичательна редакторка часопису за дзеци „Заградка” Мелания Римар нащивеа предшколску установу „Герлїчка” у Коцуре.
М. Римар з тей нагоди представла дзецом у рускей ґрупи найновшу сликовнїцу „Тройо прашаткаˮ авторки Любици Фа Гарди, а бешедовала им и о кнїжочки дзецинских народних писньох „Когуцик ярабик” хтору влонї видало НВУ „Руске слово”.
У розгварки з писательку и препознаваню писньочкох и розчитованкох участвовали шицки дзеци з рускей ґрупи хтору водза виховательки Ксения Уйфалуши и Ясмина Скубан.
На концу дзеци рецитовали писньочки котри их научели їх виховательки, а з вельку радосцу опатрали и виданя „Заградкох” котри им Римарова подзелєла. Вона их тиж поволала же би предлужели посилац свойо роботи и були вредни сотруднїки того дзецинского часопису.