НОВИ САД – У прес-центре Покраїнскей влади стреду, 14. септембра, представена публикация з прешлорочней 4. Реґионалней конференциї „Меншински медиї як протаґонисти ришеньох”, у орґанизациї Аґенциї „Герор Медиа Поинт” з Нового Саду. Як гварела директорка Аґенциї Наташа Герор, намира публикациї же би ше потенцияли меншинских и локалних медийох у Сербиї и реґионє препознало як квалитет и предносц єдного дружтва, як и же би були ношителє дружтвених пременкох и традицийох националних заєднїцох.
Як гварели директорка и главна редакторка „Мадяр соа”, гоч то єдини дньово новини на меншинским язику и з найвекшим тиражом медзи меншинскима медиями, зочую ше з истима проблемами як и новини хтори маю менши тираж и наглашели же без помоци держави, односно Покраїнскей влади, „Мадяр со” би ше нє могол отримац. Прето за шицки меншински медиї потребне глєдац нови модалитети за обстоянє бо, як гварели, нови час технолоґийох вимага и даяки нови виволаня.
З тим ше зложел и представитель Покраїнского секретарияту за културу, информованє и одношеня з вирскима заєднїцами Калман Кунтич, а на тей промоциї наявене и отримованє 5. Реґионалней конференциї о меншинских медийох, хтора будзе 10. новембра того року у Новим Садзе. Конференция будзе отримана з потримовку спомнутого покраїнского сектретарияту и Министерства култури и информованя.