КУЛА – Месни змаганя рецитаторох у местох кулскей општини почню 1. марца, порадзене на вчерайшей преширеней схадзки Комисиї за рецитованє Културно-просвитней заєднїци Општини Кула.
Тогорочни перши месни смотри, 1. марца, буду у Липару и Крущичу, 2. марца Месна смотра рецитаторох будзе у Руским Керестуре, а месни змаганя буду закончени 5. марца у Червинки.
Пред меснима, у местох, односно школох дзе за тото єст потреби, буду отримани и предзмаганя рецитаторох.
Селекторка на месних смотрох будзе Слободанка Настасич, а консултанти за руски язик Михайло Зазуляк и за мадярски Юлия Дороґхази.
Општинска смотра рецитаторох, уж 48. по шоре, будзе 11. марца, як и дотераз – у Крущичу.