МИКЛОШЕВЦИ – Вчера вечар, пред шветом Святого Миколая, у грекокатолїцкей церкви Рождества Пречистей Дїви Мариї у Миклошевцох школяре и наймладши парохиянє з родичами з радосцу привитали Миколая.
После вечаршей Служби Божей, школяре Подручней школи з Миклошевцох Миколайови виведли пригодни рецитациї и шпиванки, хтори порихтали на годзинох мацеринского язика з учительку Лесю Мудри.
Домашнї парох о. Яким Симунович подзековал школяром на красним привиту, а потим Миколай подзелєл дарунки шицким дзецом до 14 роки. Дарунки, 70 пакецики, обезпечели Церковни одбор и донаторе.
