ДЮРДЬОВ – Всоботу, 19. децембра дополадня, у дюрдьовскей грекокатолїцкей церкви по Служби Божей з нагоди швета Святого Миколая дзецом подзелєни сто пакецики. Пакецики за дзеци, хтори финансовали спонзоре и парохия, пририхтали и подзелєли члени Церковного одбору.
Службу служел парох о. Йоаким Холошняй, а шпивали члени Церковного хору „Розанов”, вєдно з ґосподїнским парохом о. Михаилом Холошняйом, под дириґентством Татяни Барна. Апостол читал вироучитель у дюрдьовскей ОШ Данил Задрепко.
По мированю, у виронаучней сали дзеци виведли и пригодну музично-рецитаторску програму. Школярох котри шпивали о Миколайови пририхтал вироучитель Данил Задрепко, а рецитаторох котри читали виривки з молитвенїка пририхтал Яким Гарди.
