Миколай у Керестуре

автор маф
1.1k Опатрене

РУСКИ КЕРЕСТУР – У Катедралней церкви св. оца Миколая вчера вечар було Всеночне богослуженє пред нєшкайшим шветом Св. Миколая по григориянским календаре, а потим и програма и дзелєнє дарункох наймладшим парохояном, котрим Миколай подзелєл коло 300 дарунки.

Всеночне предводзел преосвящени владика Георгий, а сослужели пейцме священїки – домашнї парох о. Михайло Малацко и капеланє о. Владимир Медєши и о. Михайло Шанта, бачински парох о. Дарко Рац и беркасовски парох о. Владимир Еделински Миколка.

4-Mikolaj-02

По Всеночним пришол Св. Миколай з ангелами, а дочекали го числени дзеци и їх родичи. Наймладши виронаучни дзеци пририхтали кратку програму рецитацийох и шпиванкох на чесц святого Миколая.

Потим подзелєни дарунки, дзе и коло седемдзешат дзецом зоз загрожених фамелийох,  цо финансовали парохиянє, Церковни одбор и Парохия.

4-Mikolaj-03

Нєшка швето Св. Миколая будзе преславене на Службох Божих на 8, 10 и 17 годзин.

Особом котрим мено Микола и Миколая нєшка имени дзень.

4-Mikolaj-04

ПОВЯЗАНИ ТЕКСТИ