Милош Вучевич знова городоначалнїк

автор 021/ртв/зам; фото: 021/ртв
768 Опатрене

НОВИ САД – На вчерайшей схадзки Скупштини Городу Нови Сад за городоначалнїка Нового Саду вибрани Милош Вучевич зоз Сербскей напредней странки, котри и у прешлим  мандату окончовал тоту функцию.

Нови-стари городоначалнїк пред одборнїками винєсол програму роботи за наступни штири роки, у хторей визначел же ше власц будзе закладац за прицагованє инвеститорох, реформу управи, промоцию городу як туристичней дестинациї и звекшанє безпечносци, а спомнул и даскельо проєкти хтори уж започати и буду докончени, як цо то вибудов будинку Наглей помоци, будинку Музично-балетней школи, гали за Ґимназию „Лаза Костич”, законченє Жежельового, як и оправянє мосту на Клиси, навел укладаня до комуналней инфраструктури, образовних установох, дзецинских заградкох и друге.

У своєй бешеди у Скупштини Городу Милош Вучевич вецей раз наглашел же його вибор и програму потримує нє лєм СНС, алє и други странки, цо указало и тайне гласанє, понеже спомедзи 78 городских одборнїкох за вибор Вучевича гласали 52, процив були 22, а 4 лїстки були нєважаци.

За заменїка городоначалнїка вибрани Срдян Кружевич з Єдинственей Сербиї, як  и 11 члени Городскей ради, у хторей шейсц нови особи.

До Городскей ради вибрани Александар Радак (задлужени за финансиї), Александар Кравич (за транспорт), Оґнєн Цветичанин (за спорт и младих), Тихомир Николич (за социялни питаня и старосц о фамелиї и дзецох), Владимир Стойкович (за комунални дїялносци), Мира Раденович (за урбанизем и защиту животного штредку), Золтан Горват (за здравство), Владимир Єлич (за образованє), Милорад Радоєвич (за привреду), Милан Дюрич (за управу и предписаня) и Далибор Рожич (за културу).

На конференциї за новинарох пред нєшкайшу схадзку предсидатель Скупштини Городу Здравко Єлушич гварел же того мешаца буду отримани можебуц ище два схадзки Скупштини, на хторих буду меновани и директоре городских подприємствох и установох.

Novi Sad, 17. juna 2016. -Konstitutivna sednica Skupstine Novog Sada. FOTO TANJUG/ JAROSLAV PAP/ bk

ПОВЯЗАНИ ТЕКСТИ