СУБОТИЦА – На сцени Дзецинского театру у Суботици 30. юния и 1. юлия одбавена представа „Привидзенє у ноци Яновей” Уметнїцкого студия „Цошка КреАРТивне”, хтгору по комедиї Вилияма Шекспира „Сон лєтней ноци” режирал Йован Стаматович-Карич.
У штирочленей ґлумецкей постави и наш млади ґлумец зоз Суботици Михайло Планкош, котри тераз пред дипломованьом на Драмским одсеку Новей академиї уметносцох у Беоґрадзе, у класи проф. Любиши Ристича.
Як написане у наяви за спомнуту представу, штверо ґлумци барз добре винєсли вецей улоги у тей „наймистериознєйшей и найсказковитшей Шекспировей комедиї”.
„Представа балансує медзи страшним и шмишним, хаснуюци розлични театрални язики и зєдинює рижни естетики, од елизабетанского театру по сучасни, дзе главна моц и далєй остава любов, бо тема одношеня медзи хлопом и жену”.
