РУСКИ КЕРЕСТУР – На шестим Младежским балє, отриманим всоботу, 30. януара, у Ресторанє „Червена ружа”, було коло 200 нащивительох з Дюрдьова, Коцура, Керестура, Нового Саду, Вербасу, як и з Горватскей, та аж и з Польскей, України, Швайцарскей и Мадярскей.
На Балє ше слухало и танцовало на руски и сербски шпиванки, хтори грал „Пицикато бенд”, а були орґанизовани и змагательни бависка.
Тиж орґанизована и богата томбола, вредносци вецей як 100 000 динари, а главна награда – ЛЦД телевизор – як и прешлого року, пошла до Дюрдьова.
