РУСКА МАТКА – Концом того тижня би до Рускей матки Сербиї мали сцигнуц прикладнїки кнїжки „Коляди Русинох/Руснацох/Лемкох – писнї на чесц Рождества Исуса Христа”, з провадзацим компакт-диском, хтора концом прешлого рока обявена у виданю Шветового конґресу Русинох/Руснацох/Лемкох (РРЛ).
На вецей як 350 бокох, у богато илустрованей кнїжки обєдинєни писнї на чесц Рождества Исуса Христа зоз шицких жемох у хторих нєшка жию РРЛ. Прихтали ю проф. др Михайло Фейса з нашей жеми, Наталия Гнатко з Горватскей, Юрий Шипович з України, др Марияна Лявинец з Мадярскей, о. Василь Бойчук з Румуниї, Боґдан Ґамбаль з Польскей, Джери Джамба з Америки, як и Иван Чижмар зоз Словацкей, котри бул и координатор того проєкту.
За кнїжку ше мож предплациц и купиц ю у Канцелариї РМ у Руским Керестуре (тел. 025/702-000), лєбо у месних одборох РМ у Коцуре, Кули и Вербаше, та Городским у Новим Садзе и Реґионалним одборе Матки у Шидзе.
Тираж кнїжки „Коляди РРЛ” 700 прикладнїки и каждей з 10 членїцох ШК припадню по 70 прикладнїки. Єден прикладнїк кнїжки кошта 7 еври, лєбо 1 000 динари.