РУСКИ КЕРЕСТУР – У парохийним Каритасу нєшка будзе нове Пиятково друженє за дзеци, котре тирва од 20 по 21,30 годзин. Нєшка на шоре будзе и вирабянє сликох зоз рижних намирнїцох як цо пасуля, кафа, ризкаша, какао, цукер и подобне.
На пияткових друженьох участвую дзеци основношколского возросту и младши з родичами, а рижни активносци, бависка, роботнї, духовни минути и друженя у духу медзисобней любови пририхтую им каритасово волонтере.
За тоти акивносц волонтере нєдавно порушали акцию збераня дружтвених бавискох и дзецинских сликовнїцох хтори мож подаровац Каритасу и там однєсц кажди вовторок лєбо пияток од 20 годзин.
