КУЛА – Настава за основне образованє одроснутих у ОШ „Петефи бриґада” у Кули почнє штредком октобра, а уж треци рок ю реализує Фунционалне основне образованє одроснутих (ФООО – проєкт „Друга шанса”).
Можу ше явиц заинтересовани зоз шицких местох кулскей општини, хтори маю найменєй 15 роки, а приявиц ше треба у Националней служби за обезпечованє роботи, лєбо у Школи „Петефи бриґада”, на тел. 723-944. Число местох огранїчене.
Одроснути без законченей основней школи безплатно можу здобуц два дипломи – о законченей основней школи и о фаховей обученосци за одредзени занїманя.
Учашнїком буду обезпечени драгово трошки и орґанизовани превоз, а коло наставу им вечарами буду тримац 16 члени школского тиму ФООО.