ҐОСПОДЇНЦИ – У Ловарским дружтве у Ґосподїнцох члени домашнього Мото-клубу „Ескадрила” всоботу, 20. фебруара орґанизовали пияту жимску гуманитарну Мото- журку. З назбераних прилогох моторкаше помогню младому Деянови Шабановичови з Ґосподїнцох, котрому потребни средства за лїченє акутней лимфобласней леукемиї.
– Того року нащивителє на журски подаровали прейґ 27 000 динари, а и ми, як орґанизаторе, уступиме заробок од журки, та Деянови вєдно подаруєме коло 50 000 динари – гварел предсидатель Мото-клубу „Ескадрила” Ґоран Бубало.
На журки було прейґ 500 нащивительох з коло 60 мото-клубох з местох у Войводини, Сербиї и Босни и Герцеґовини.