ДЮРДЬОВ – У предостатнїм, 29. колу ярнєй часци першенства Подручней фодбалскей лиґи Нови Сад на стадиону ФК „Бачка 1923” у Дюрдьове, стреду 5. юния отримани дерби и змаганє чий конєчни резултат бул нєизвесни по конєц. Бачка дочекала седмопласовани ФК „ЖСК” зоз Жаблю котри мал штири боди вецей од нєй.
Змаганє закончене з нєришеним резултатом – ФК „Бачка 1923” – ФК „ЖСК” – 2:2 (1:1)
Ґоли за Бачку посцигли Баґич у 28. минути и Ґелич у 82. минути зоз пеналох. После того змаганя Бачка ше лєпше котирує и з дзешатого места ше идзе на дзевяте з трицец єдним бодом. Док ЖСК остава на истим месце.
По конєц тей часци першенства будзе ище єдно змаганє, кед Бачка будзе госцовац у Мошорину на стадиону петнастопласованого ФК „Милетич” котри остатнї на таблїчки и ма дзешец боди. Змаганє будзе 9. юния, а почнє на 18 годзин.