Надьова и Планчакова наградзени за ґлумецки витвореня

автор зам
919 Опатрене

КУЛА – Попри тим же представа Драмского студия АРТ рускокерестурского Дому култури „ Сезона лову на ловара” О. Витера, у режїи Владимира Надя Ачима освоєла треце место на Седмим войводянским младежским театралним фестивалє, награди достали и два ґлумици з представи Керестурцох.

Єдну з пейц ровноправних наградох за найлєпше ґлумецке витворенє на цалим Фестивалє достала Адриана Надь, за улогу Яни (хтора ше трансформує до вецей особох), а єдну зоз шейсц ровноправних похвалох за ґлуму на цалим Фестивалє достала Ребека Планчак, за улогу Юлиї.

Селектор Фестивалу мр Милян Войнович вчера сообщел и урядово резултати того змаганя 5 младежских театралних представох, хторе у Кули отримани всоботу, 7. мая, и першу награду за представу у цалосци достала представа „Гамлет римейк” Светислава Басару, у режиї Ґордани Лукич, а у виводзеню Креативного студия и Театру „Ґартел” зоз Сримскей Митровици и Мачванскей Митровици, а другу награду представа „Портрет малиґней клїтинки” автора и режисера Цветина Аничича, у продукциї  Театру „Бранислав Нушич” зоз Шиду. Трецу награду за представу у цалосци достали млади аматере з Керестура.

Режисер и автор тексту другонаградзеней представи Шидянох Цветин Аничич достал и награду за найлєпшу сценоґрафию, за найфункционалнєйши вибор музики и награду за ориґинални драмски текст и иновативне сценске дїло.

ПОВЯЗАНИ ТЕКСТИ