БЕОҐРАД/РУСКИ КЕРЕСТУР – Министерство просвити Сербиї нєшка рано сообщело же покладанє з математики у рамикох закончуюцих испитох за школярох осмих класох, преложене за штварток.
За тераз нєт урядовей информациї прецо испит преложени, а зоз Школи „Петро Кузмяк” у Руским Керестуре визначели же ше термин комбинованого теста нє пременї, останє стреду од 9 до 11 годзин, а тест з математики преложени за штварток 20. юний тиж од 9 до 11 годзин.
По нєурядових информацийох, як преноша други медиї, тест преложени прето же у єдней школи отворени резервни мещок зоз тестами и на тот способ загрожена процедура.