НОВИ САД – На основи Конкурсу за доприношенє унапредзованю знаня и розуменя процесу европских интеґрацийох, з Покраїнского секретарияту за медзиреґионалне сотруднїцтво и локалну самоуправу орґанизацийом цивилного дружтва додзелєни вєдно 2.9 милиони динари. Новинарска асоцияция Руснацох (НАР) на тим конкурсу достала 138 000 динари за проєкт „Приклади добрей пракси – драгоказ розуменя“.
Окрем НАР, средства достали и Центер за реґионализем, за проєкт „Реґионални угел ЕУ интеґрацийох-АП Войводина у процесу“, Здруженє гражданох „Заєднїца“, за проєкт „Европа и ти“, та Кикиндска инициятива младих, хтора орґанизує „Европски буквар за младих-дзвиганє свидомосци младежи о ЕУ интеґрацийох“.
Проєкти хтори достали средства маю упознац явносц з поняцом европских интеґрацийох и политику ЕУ, унапредзиц знанє и розуменє, та значносц европских интеґрацийох.