ЖАБЕЛЬ – Ґрупа гражданох „Наша општина Жабель-Чедомир Божич”, хтора участвує на локалних виберанкох у жабельскей општини, сообщела же на покраїнских и републичних виберанкох потримує коалицию Сербскей напредней странки „Александар Вучич-Сербия победзує”.
Спомнута ґрупа гражданох на локалних виберанкох наступи под числом єден, а ношитель лїстини актуални предсидатель Општини Чедомир Божич.
Симпатизере и члени тей лїстини прешлого тижня у местох општини дзелєли промотивни материял.