РУСКИ КЕРЕСТУР – У парохиї св. оца Миколая, по григориянским календаре наютре припада швето Благовищенє, и як традиция того дня будзе и Вельконоцна св. споведз.
Споведз будзе за шицких парохиянох котри можу присц до церкви, дзе споведац буду попри домашнїх и священїки з других наших парохийох, а висповедац ше годно на Службох Божих на 8, 10, 16 и 18 годзин.
Того дня, на поволанку святийшого Оца Франциска же би ше му придружели шицки владикове, и наш владика у катедралней церкви у Керестуре, пошвеци вєдно з святишим Оцом Франциском у Риме и кардиналом Краєвским у Фатими Русию и Україну Безгришному Шерцу Марийовому.