РУСКИ КЕРЕСТУР – III Подобова колония Еуфемия Гарди 2021. у орґанизациї Рускей матки у Руским Керестуре, будзе отримана наютре, 9. октобра, у Спортско-школскей гали у Руским Керестуре.
Подобова колония будзе отримана по проєкту Рускей матки за финансованє и софинансованє програмох и проєктох очуваня, пестованя, презентациї и розвою култури и уметносци рускей заєднїци у Републики Сербиї по конкурсу Покраїнского секретарияту за културу и информованє АП Войводини и програмох и проєктох у обласци туризма општини Кула у 2021. року, а у нєпоштредней орґанизациї Месного одбору Рускей матки у Руским Керестуре.
Сход 11 приявених учашнїкох будзе у Канцелариї Рускей матки на 8,30 годзин, а за їх роботу буду обезпечени уметнїцки платна и олєйово, або акрилни фарби за подобове творительтво.
Роботна часц Колониї будзе тирвац до 13, а потим до 16 годзин у сали Месней заєднїци у Руским Керестуре будзе обезпечени полудзенок и друженє учашнїкох.