ВАТИКАН/МОСКВА – Скоро шицки домашнї и шветово медиї вчера пренєсли наяву же ше 12. фебруара стретню папа Франциско и патриярх Русийскей Православней церкви Кирил.
– Будзе то перши сход єдного папи и русийского патриярха од церковного розходу 1054. року – пренєсли медиї вияву портпарола Святого пристаолу о. Федерика Ломбардия.
Сход папи Франциска и патриярха Русийскей Православней церкви Кирила 12. фебруара будзе на аеродроме у Гавани, на Куби.
З тей нагоди русийски митрополит Иларион виявел же ше папа и патриярх стретню бо потребна заєднїцка догварка пре преганянє християнох на Блїзким востоку, у сиверней и штреднєй Африки и у дзепоєдних других реґийох, цо вимага сотруднїцтво медзи християнскима церквами, а медиї преноша вияви аналитичарох же то будзе и вельки крочай ґу екуменскому сотруднїцтву двох церквох.
Екуменски париярх Вартоломей Перши гварел же є задовольни з тим крочайом напредок у екуменских одношеньох медзи Католїцку церкву и найвекшу Православну церкву у швеце.