БЕОҐРАД – Початком 2016. року ма почац явна розправа о предложених новосцох на шицких уровньох образованя, алє у обласци високого образованя наявени и значни вименки.
Державна секретарка у Министерстве просвити Зорана Лужанин гварела же би держава мала мац учасц у плаценю школованя, та би дахто могол плациц лєм 10 одсто, а дахто 90 одсто, у зависносци од успиху. Вона визначела и же держава будзе мушиц повесц хтори студийни програми потребни, а хтори нє.
Як пише новосадски „Дневник”, єдна з дилемох чи треба анґажовац асистентох, чи предвидзиц же би найлєпши студенти мастер студийох тримали преподаваня, бо ше указало же парняцке ученє дава добри резултати.
Роботна ґрупа за акредитацию и квалитет студийох ма розпатриц идею же би ше, по углядзе на велї европски жеми, прешло на професийну аґенцию, место дотерашнєй Комисиї за акредитацию и контролу квалитету.