СРИМСКА МИТРОВИЦА – На Вилїю, 6. януара, у парохийним доме у Сримскей Митровици парох о. Владислав Варга привитал дзеци котри пестую руски язик и членох Дружтва Руснацох зоз Сримскей Митровици.
Дзеци пречитали часци з идилского венцу Гаврила Костельника и одшпивали коляду „Свята ноц, циха ноц”, а пририхтали их дириґентка Станислава Будишин, координаторка Душка Костич и проф. Моника Абодї Митрович.
То було першираз од кеди о. Варга парох у Митровици же и на таки способ на парохиї преславена Вилия, а дзецом по програми подзелни пакецики.
После програми на парохиї, о. Варґа на 23 г. у церкви служел Саночне, на хторим присуствовали велї вирни.
