НОВИ САД – У дзевец високих школох фаховних студийох чий снователь АП Войводина, у школским 2015/2016. року на перши рок студийох уписани 2 378 студенти, а вєдно наставу у тих установох слухаю 7 510 студенти, гварене на схадзки Покраїнскей влади, хтора отримана пияток, 8. априла.
На схадзки прилапена Информация о упису студентох до високих школох фаховних студийох у тим школским року, з огляднуцом на образованє припаднїкох националних меншинох.
У пейцох високих школох наставу ше отримує лєм на сербским язику, у двох наставу слухаю по сербски и мадярски, у єдней по сербски, мадярски и словацки и тиж у єдней по сербски, румунски и ромски.
Школяре припаднїки националних заєднїцох котри штредню школу закончели на мацеринским язику, у штирох високих школох фаховних студийох примаци испит можу покладац на мацеринским язику, без огляду на хторим язику будu слухац наставу.