НОВИ САД – На Дню отворених дзверох Универзитету у Новим Садзе всоботу, 17. октобра, Одсек за русинистику Филозофского факултету представели асистенти на нашим Одсеку Анамария Рамач Фурман и Александер Мудри, як и мастерант Одсеку Ана Римар. Наша „катедра” представена з роботню „Руски за 5 минути” и квизом „Кельо ше познаме”, а були виложени и виданя на руским язику.
Шицки 14 факултети Универзитету у Новим Садзе, у чиїм составе и факултети у Зомборе, Суботици и Зренянину, всоботу од 10 до 15 годзин отримали презентациї, на хторих ше будуци студенти могли упознац з можлївосцами и условиями студираня.
