КРУЩИЧ – З вчера отриманей Општинскей, на Зонску смотру рецитаторох з кулскей општини ше пласовали аж 19-еро рецитаторе у трох возростох, медзи нїм и шесцеро котри рецитую по руски. Општинска смотра, по традициї, отримана у Крущичу, а змагали ше 33-еро рецитаторе у трох возростох, котри рецитовали по сербски, руски, мадярски и по українски.
У конкуренциї младшого возросту перше место освоєла Лїляна Кнежевич, друге Йована Щепанович, обидва з Кули, а треце место Минеа Югас з Руского Керестура. На Зонску смотру ше у тим возросту пласовали и Микола Еделински з Керестура, та Лука Ноґавица и Исидора Нинков з Кули.
У штреднїм воросту перше место освоєла Тара Божович з Кули, друге Владица Кляїч з Червинки, а треце Тимеа Будински з Керестура. На Зонску смотру ше пласовали и Желько Виславски и Матей Шепински з Керестура, та Анита Бала и Милена Никитович з Кули.
У старшим возросту перше место освоєла Миляна Нинич з Кули, друге Мирослав Малацко з Керестура, а треце Сузана Тошич з Кули. На Зонску смотру ше пласовали и Денеш Ґаламбош, Неманя Ковиянич и Катарина Перович, шицки з Кули.
Селектор Смотри бул ґлумец Миодраґ Петрович з Нового Саду, консултант за руски язик Михайло Зазуляк, а за мадярски Юлия Дороґхази.
Зонска смотра рецитаторох будзе 21. и 22. марца у Бачу.
