СРИМСКА МИТРОВИЦА – По Служби Божей на Кирбай у Сримскей Митровици, 21. мая, у Церковней сали отримана пригодна програма на хторей, попри виставох, участвовали и рецитаторе, руска шпивацка група, Дзецинска шпивацка група „Сримски квиточки” и українска шпивацка ґрупа.
З виставу малюнкох Ясна Димитришин Арбанас винєсла свой лирски попатрунок на присельованє Руснацох и Українцох до Сримскей Митровици, а орґанизована и вистава дзецинских рисункох на вирски теми, хтори дзеци виробели на креативних роботньох, як и вистава фотогкодрафийох з прешлосци церкви.
Грекокатолїцка церква у Сримскей Митровици того року означує свою 110-рочнїцу, а як доприношенє означованю ювилею, нєшка, 23. мая, у церкви буду покресцени штверо дзеци з двох фамелийох и повинчани їх родичи.