ЖДИНЯ (ПОЛЬСКА) – Прешлого викенду, од 22. по 24. юлий, у Ждинї у Польскей отримани 34. Фестивал лемковскей култури „Лемковска ватра“, на хторим участвовали и три ансамбли з Войводини – КУД „Петро Кузмяк“ з Нового Орахова, Хор „Калина“ з Индїї и Хор „Пасторала“ зоз Жаблю. Вони наступали поєдинєчно и вєдно, а дзекуюци замеркованим наступом, участвовали и на закончуюцей програми остатнї дзень Фестивалу.
На „Лемковскей ватри“ у Ждинї участвовали и Руснаци з Горватскей – члени КУД „Яким Ґовля“ з Миколошевцох и КУД „Яким Гарди“ з Петровцох. Вєдно, на тогорочней „Ватри“ учествовали вецей як 2 000 аматере и професионалци з Польскей и иножемства, медзи нїма з України, ЗАД и Шпаниї.
Спомнутим колективом зоз Сербиї одход на „Лемковску ватру” оможлївели Союз Руснацох Українцох Сербиї и општини у хторих робя, а у Ждинї пребувала и делеґация Союзу, на чолє з предсидательом Боґданом Виславскийом.
