НОВИ САД – Урядово податки Google analytics указую же обєдинєни сайт „Рутенпресу” и НВУ „Руске слово” (www.ruskeslovo.com) у прешлим року (од 1. децембра 2014. по 31. децембер 2015.) мал аж 115 887 нащиви, цо за 25 497 вецей у одношеню на 2014. рок. У 2014. року сайт „Руского” и „Рутенпресу” мал 90 390 нащиви.
Од початку роботи нашого сайту, та до конца януара того року, на нїм опатрени вецей як пол милиони рижни змисти.
Информациї на сайту „Руского” и „Рутенпресу” читаю людзе ширцом швета, з каждого континенту, а найвецей зоз Сербиї. Дзекуюци и дружтвеним мрежом, информациї о нашей заєднїци доступни каждому, а на сайту их мож пречитац и по сербски.
НВУ „Руске слово” свойо сайти обєдинєла 4. децембра 2014. року.