НОВ САД – У Новим Садзе нєшка, на Вельки пияток, на 8 годзин будзе Утриня з читаньом 12 Євангелийох, на 16 г. Вечурня з покладаньом Исусовей плащанїци до гроба, а на 18 годзин Єрусалимска Утриня.
На Вельку соботу Служба Божа св. Василия Велького на 9 годзин, а на 15 годзин у Будисави будзе Воскресна Служба Божа з пошвецаньом пасхалного єдзеня. У Новим Садзе ютре на 20 годзин Воскресна Утриня.
На нєдзелю, на Вельку ноц, на 10 годзин Архиєрейску Службу Божу з пошвеценьом пасхалного єдзеня будзе предводзиц апостолски еґзарх, владика Георгий Джуджар. На Вельку ноц Вечарша Служба будзе на 18 годзин.
На Шветли пондзелок служби Божи з мированьом буду на 10 и 18 годзин, як и на Шветли вовторок. Службу Божу на вовторок будзе шпивац наш хор з Нового Саду.