На нєдзелю 1. Вербаске обегованє

автор ол. русковски, фото vrbas.net
520 Опатрене

ВЕРБАС – Вербаски атлетски клуб, з потримовку Општини Вербас, Туристичней орґанизациї Вербас и Полицийней станїци Вербас, орґанизує на нєдзелю, 19. септембра, 1. Вербаске обегованє.

Учашнїки буду мац нагоду змагац ше у обегованьох на пейц и дзешец километри, як и у обегованю на єден километер за припаднїкох войски и полициї. Тиж, будзе и дзецински обегованя, та ше дзеци од предшколского возросту по другу класу буду обеговац на сто метери, дзеци трецей и штвартей класи на двасто метери, дзеци пиятей и шестей класи ше буду обеговац на штиристо метери, а дзеци возросту седмей и осмей класи на шейсцсто метери.

Обегованя за дзеци почню на 10, за войско и полицию на 10,30 годзин, а обегованя на пейц и дзешец километри на 11 годзин.

Розподзельованє стартних пакетох почина на 8 и тирва по 10,30 годзин.

Старт обегованя у центру Вербаса, на Площи Николи Пашича.

Иншак, снователька Вербаского атлетского клубу Саманта Тот єдна з побиднїцох на 4. Суботицким маратону котри нєдавно отримани, а на котрим участвовали вецей як 1.500 обеговаче шицких возростох зоз 17 жемох. Саманта Тот победзела у обегованю на пейц километри.

Саманта Тот

ПОВЯЗАНИ ТЕКСТИ